O sábado 22 deste mes de marzo, como en anos anteriores, un numerosísimo grupo da nosa Unidade Parroquial (San Francisco Javier, O Pilar e o Nadal do Señor de Bens), xunto con outros peregrinos de diversas parroquias da Coruña, capitaneados polo noso Párroco e Vicario Episcopal Territorial da Coruña, D. Severino Suárez Blanco, dirixirónse ao Santuario da Nosa Señora do Corpiño en Santa Baia de Losón, no municipio pontevedrés de Lalín.
O tempo desapacible de vento e chuvia non impediu que este grupo fora coa ilusión de sempre a este Santuario que tantos devotos arrastra. Na Misa, celebrada por D. Severino, e acompañada por parte do Coro Parroquial, os fieles participaron coa devoción acostumbrada nesta liturxia.
Ao finalizaren a mesma e despois de comprar diversos recordos, os participantes subiron aos autocares que os levaron ao recoñecido e familiar restaurante CASA PABLO, no lugar da GOLETA, onde degustaron un suculento COCIDO, de fama universal nestas terras do DEZA.
A Cantante MERCHI TREVIÑO, amenizou os postres e animou o posterior baile, que rebaixou un pouquiño, as “pesadeces” deste gran manxar.
Chegando o atardecer, regresaron á nosa Cidade, co desexo de repetir o ano próximo.
Algúns momentos da Celebración e do Xantar poden ollalos nas fotografías, que tamén se atopan na Galería de Fotos, e nos vídeos que acompañan a noticia e que foron compartidas, como sempre, polo noso gran colaborador JOSÉ MIÑO.
