HOMENAXE A D. GUILLERMO EIRÍS CABEZA

Un grupo numerosísimo de amigos rendíronlle unha merecidísima homenaxe a D.GUILLERMO EIRÍS CABEZA, Cura Párroco de San Pio X da Coruña. Esta homenaxe foi incompleta, cos pesares de todos os asistentes e de él mesmo, xa que un desafortunado accidente doméstico acontecido esta mesma mañá mentras se preparaba para acudir ao acto, levouno aos servicios de urxencias de Carballo, e  posterior traslado ao CHUAC da Coruña. De todos os xeitos, despois de facerlle moitas probas médicas, ainda poido achegarse ata a lugar da homenaxe, arredor das 18:30 h para saudar a duas ou tres ducias de persoas que ainda permanecían no Hotel Plaza acompañando á Comisión Organizadora do acto, encabezada polo Arcipreste de Riazor D. Severino Suárez. A maioría dos asistentes xa deixaran as instalacións hosteleiras porque ninguén contaba que poideran ter rematadas as probas nesta tarde de domingo.
Nesta homenaxe, que tivo lugar o domingo 31 de xaneiro de 2016 nas instalacións do Restaurante Arcade do Hotel Plaza en Catro Camiños, estiveron presentes 150 persoas. Varias decenas máis amosaron, por diversos canles, a adhesión ao acto. Entre os asistentes, a parte do mencionado presidente da Comisión Organizadora, estaban o Vicario Episcopal na Coruña, o Cónsul Honorario de Chile nesta Cidade, e innumerables compañeiros de sacerdocio de todas as parroquias da Coruña e de algunhas de fora. Entre os familiares asistentes, atopábase o seu irmán Andrés, acompañado da sua dona, así como varios sobriños. No hospital estivo, nesas horas, acompañado da sua sobriña María e o seu home. Cando chegaron do hospital, foille entregada unha placa recordo (fotografía) de todos os seus amigos, que recolleu no seu nome María.
Desde estas páxinas, todos os seus amigos, feligreses e compañeiros, enviamoslle unha FORTE APERTA, co maior dos desexos dunha pronta e fructífera recuperación.
Os lectores que queiran ollar (e copiar) algúns momentos do acto e algúns dos asistentes ao mesmo, deben “pinchar” a fotografía que acompaña a noticia.